Herriz herri ibiliko den gurpil gaineko laborategi honek era guztietako tresneria jartzen du herritarren eskura, bereziki fabrikazio digitaleko teknologiak: 3D inprimagailuak, laserraz moztu edo grabatzeko makina, CNC fresagailua eta abar luze bat.

Ikastaroak, tailerrak, auzolanak, … hainbat jarduera antolatuko dira herritarrek ikasi eta gozatu dezaten. Heldu eta haurrentzat, bertako nahiz kanpotar, eta debalde. Edozein gertura daiteke fabrikazio teknologia berrietara.

Tokian tokiko egutegi eta ordutegian, edozein gerturatu ahal izango da debalde eta teknikarien laguntzarekin norbere proiektuak gauzatzeko. Tresnen erabilera debalde da, materiala zeure kontu.