Talde irekia: energia berriztagarriak
EGUNA: Osteguna, martxoak 25.
ORDUA: 18:00etatik 19:30etara (iraupena: ordu bat eta erdi).
NORENTZAKO: Elektrizitatea angulen prezioan ordaindu nahi ez edota planetari lagundu nahi dion edozeinentzako. Ez da aurretiko ezagutzarik behar.
Duela hilabete batzuk zuen prezioaren halako 10 dauka elektrizitateak gaur. Ez da ahaztu behar energiaren sortzeak klima aldaketan eragin zuzena duela. Gainera, azken asteetan gertatutakoak gogorarazi digun bezala, krisi energetikoak krisi humanitarioak ere eragiten ditu.
Duela hilabete Iruñako Geltokiko lagunak gonbidatu genituen, “Sortu zure elektrizitatea” tailerra eman zezaten eta saio harri jarraiki, proposamen bat egin nahi dugu: norberak elektrizitatea sortzeko gailuak elkarren artean eginez ikasteko talde ireki bat sortzea.
Ez dago egitarauik eta ez dugu lana aurreneko saioan amaituko. Zer egingo dugun, noiz elkartuko garen eta zer behar dugun elkarrekin erabakitzea da proposamena, LURLABeko tresnak eta baliabideak erabiliz elektrizitatea sortzeko gailuak egiteko.
Izena emateko sakatu beheko botoian eta bete galdeketa.
