Usainen memoria 2
EGUNAK: Astelehena eta asteartea, maiatzak 13 eta 14
ORDUA: 16:00etatik 18:00era (iraupena: 2 ordu).
LEKUA: Atsedentoki (San Martin auzoa, ATAUN)
NORENTZAKO: 65 urtetik gorako pertsonentzako.
OdourCollect proiektuak usainek eragindako kutsaduraren arazoa lantzen du. Egitasmoaren fase hontan 65 urtetik gorako pertsonekin usainen lehena, oraina eta geroa denbora eta tokien mapa batean jarri nahi ditu eta horretarako bi eguneko tailer bat antolatu dugu.
Proiektuaren eragilea, Science For Change, Bartzelonan egoitza duen enpresa sozial bat da. Ezagutzan oinarrituta, ikerketa kolaboratiboa, ebidentzien bidez informatutako politika publikoak eta kalitatezko komunikazio zientifikoa sustatzea du helburu.
Beraiekin lankidetzan, proiektu aberasgarri batera gonbidatu nahi ditugu herritarrak: "OdourCollect y personas de edad: digitalizando y cocreando nuestra memoria olfativa" saioetan parte hartuz. 65 urtetik gorako pertsonentzat bereziki diseinatutako tailer hau Ataungo San Martin auzoko Atsedentokiren egoitzan egingo da eta aukera ezin hobea da usainen eta memoriaren arteko berezko harremana aztertzeko, baita lotura hori artistikoki nola adieraz daitekeen lantzeko ere.
Lehenengo bi egunetan, usainen errekonozimenduan eta usainei lotutako oroitzapenen bilketan oinarrituko dira tailerrak. Parte-hartzaileek historia eta esperientzia pertsonalak partekatu ahal izango dituzte, oroitzapen horiek adierazten dituzten artisau-lanak sortzeko oinarri izango direnak. Jarduera horien bidez, parte-hartzaileek beren bizitzako une esanguratsuak berrikusteaz gain, informazioaren eta herritarren zientziaren teknologiak ikerketa eta adierazpen pertsonalerako tresna gisa nola erabili ikasiko dute.
OdourCollect proiektuak herritarren zientziaren ikuspegia erabiltzen du usainek eragindako kutsaduraren arazoari aurre egiteko. Ataungo tailer hau egitasmo zabalago baten parte da, komunitateen usain-arazoak ikusarazteko eta horien gainean jarduteko, eta herritarrak eragile aktibo bihurtzeko ahalmena ematen du, beren inguruneari buruzko monitorizazioan eta erabakiak hartzean.
Egitasmoaren hirugarren eta azken egunean erakusketa bat egingo da, non parte-hartzaileek sortutako lanak erakutsiko diren, tokiko komunitateari eta bisitariei usaimenaren eta memoriaren arteko lotura sakona eta usainak gure bizitzaren parte direla ikusteko aukera emanez.
Ekitaldi hau guztiz doakoa da eta aukera ederra da adinekoak aktiboki inplika daitezen beren esperientziak eta ezagutzak balioesten dituen sorkuntza- eta hezkuntza-ekimen batean. Tailer honetan parte hartzeak belaunaldien arteko inklusioa eta ikaskuntza sustatzeaz gain, ingurumen-kalitatearen eta norberaren ongizatearen garrantziari buruzko sentsibilizazioa ere sustatzen du.
Datak eta ordutegiak:
Astelehena, maiatzak 13: 1. tailerra – 16:00etatik 18:00etara
Asteartea maiatzak 14: 2. tailerra – 16:00etatik 18:00etara
Asteazkena maiatzak 15: Erakusketa – 18:00etatik 20:00etara
Izen ematea: Anima zaitez zure usaimen memoria berraurkitzen eta partekatzen. Egin klik beheko botoian erregistratzeko eta tailer hauetan zure lekua ziurtatzeko.
